#ಭಾವಾಂತರಂಗದೊಳು##

ಮೌನದಲಿ ಗುನುಗುತ್ತಿದೆ 
  ನನ್ನುಸಿರ  ಕೊರಳೊಂದು
ಕ್ಷಣ ಕ್ಷಣವೂ ಹನಿಯುತ್ತಿದೆ
ಒಲವ ಧಾರೆಯೊಂದು...

ಅತಿಯಾಸೆ ಎನಿಲ್ಲ
ತುಸು ಪ್ರೀತಿ ಸಾಕಲ್ಲ
ಜೊತೆಯಾಗಿ ನೀ ಬಂದು
ಇನಿತೊಂದು ಖುಷಿ ನೀಡು
ಮನವಿಂದು ಮುದಗೊಂಡು
ಬರೆದೊಂದು ಹೊಸ ಭಾಷ್ಯ ಬದುಕಿಗೊಂದು

ನೀನಿರದೆ ಬದುಕಿಲ್ಲವೆಂದಲ್ಲ
ಭಾವನೆಗಳು ನಿರ್ಜೀವವಾದಂತೆ
ಮೌನವೂ ಸ್ಥಬ್ದವಾದಂತೆ
ಮಾತಲ್ಲಿ ರಸವಿರದಂತೆ
ಜೀವಕೆ ಅರ್ಥವಿರದೆ 
ಬದುಕಬೇಕಲ್ಲ ಅಂತಷ್ಟೇ....

ನೀನೆನಗೆ ಬೇಕು 
ನೀನೇ ಬೇಕು
ನೀನು ನನಗಾಗಿ ಬೇಕು
ನೀನು ನಾನಾಗಿ ಬೇಕು
ಅಷ್ಟೇ......ಸಾಕು
ಇಷ್ಟಿದ್ದರೆ ಇನ್ನೇನು ಬೇಕು.....


....ಗಾಯತ್ರಿ...